Di Black Petty Booshwah Lyrics

Artist: Linton Kwesi Johnson
Album: Bass Culture

dem wi´gi` whey dem talent to di state
an´di black workin´ class andahrate
dem wi´ side wid oppressah
w´en di goin´ get ruff
side wid aggressah
w´en di goin´ get tuff

dem a black petty-booshwah
dem full of flaw
dem a black petty-booshwah
dem full of flaw

tru dem seh dem edicate dem a gwaan irate
tru dem seh dem edicate dem a seek tap rate
dem a seek posishan
aaf di backs of blacks
seek promoshan
aaf di backs af blacks

dem a black petty-booshwah
dem full of flaw
dem a black petty-booshwah
dem full of flaw

dem a run-up dem mout´ an´ a shout all about
tru dem have a lat a dou´t ´bout di stren´t af blacks
dem a run-up dem mout´
an´ a shout all about
but w´en wi launch wi attack
dem wi´ haffi dress back

dem a black petty-booshwah
dem full of flaw
dem a black petty-booshwah
dem full of flaw!

Related:
Linton Kwesi Johnson Lyrics
Linton Kwesi Johnson Bass Culture Lyrics

More Linton Kwesi Johnson Music Lyrics:
Linton Kwesi Johnson - Di Anfinish Revalueshan Lyrics
Linton Kwesi Johnson - Di Eagle An' Di Bear Lyrics
Linton Kwesi Johnson - Fite Dem Back Lyrics
Linton Kwesi Johnson - It Dread Inna Inglan Lyrics
Linton Kwesi Johnson - Mi Revalueshanary Fren Lyrics
Linton Kwesi Johnson - Reggae Fi Radni Lyrics
Linton Kwesi Johnson - Sonny's Lettah (Anti-Sus Poem) Lyrics
Linton Kwesi Johnson - Story Lyrics