Lyrics Depot is your source of lyrics to Want Fi Goh Rave by Linton Kwesi Johnson. Please check back for more Linton Kwesi Johnson lyrics.

Want Fi Goh Rave Lyrics

Artist: Linton Kwesi Johnson
Album: Forces of Victory

I woz
waakin doun di road road
di addah day
when a hear a lickle yout-man say

him seh:
yu noh si mi situation
mi dont have noh accamadaeshan
mi haffi sign aan at di station
at six in di evenin
mi seh mi life got no meanin
ah jus livin widout feelin

still
mi haffi mek a raze
kaw mi come af age
an mi want fi goh rave

I woz
waakin doun di road
annadah day
wen ah hear annadah yout-man say

him seh:
mi naw wok fi noh pittance
mi naw draw dem assistance
mi use to run a lickle rackit
but wha, di police dem di stap it
an ah had woz to hap it

still
mi haffi mek a raze
kaw mi come af age
an mi want fi goh rave

I woz waakin doun di road
yet annadah day
wen ah hear annadah yout-man say

him seh:
mi haffi pick a packit
tek a wallit fram a jackit
mi haffi dhu it real crabit
an if a lackit mi haffi pap it
an if a safe mi haffi crack it
ar chap it wid mi hatchit
but
mi haffi mek a raze
kaw mi come af age
an mi want fi goh rave

Comments/Interpretations

no comments yet